'بت تاكسي' في لبنان تنقل الحيوانات الأليفة فقط

تريح أصحاب الحيوانات الأليفة

بيروت - دُشنت في الآونة الأخيرة خدمة جديدة للسيارات الأجرة بلبنان مخصصة لنقل الحيوانات الأليفة فقط، وذلك بتمويل مجموعة من عُشاق الحيوانات.

وقال أحد مؤسسي الخدمة وصاحب مشروع (بت تاكسي) ويدعى خطار أبومرعي إنها الأولى من نوعها في لبنان.

وقال أبو مرعي "هاي الفكرة أجت لأنه بعد ما فيه منها بالمنطقة. وعادة (الحيوانات الأليفة هن أعضاء في العائلة بيكونوا عايشين معنا بالبيت يعني أعضاء بالعيلة. ليه ما لهن حق يتنقلوا مثلنا مثلهن مثل كل العالم (الناس)؟. لأن بنحبهن مثل ما بنحب كل العالم. بقى من شان هيك أجتني الفكرة أعمل بت تاكسي".

وأوضح أن الزبائن أحبوا الخدمة الجديدة وأنها تريح أصحاب الحيوانات الأليفة الذين يعملون طوال النهار.

وأضاف أبو مرعي "عندي كلبة بالبيت. هي (من نوع) جولدن ريتريفر وهي فرد بالعائلة مثل كل العالم اللي عندهن كلاب. هي ضرورة عند العالم أكيد. لأنه خصوصا إن إحنا بنقدم خدمة حبا في الحيوانات الأليفة . بس نوصل عند الحكيم (الطبيب) نحنا فينا نقول للحكيم شو بو (ماذا به) الكلب؟. فينا ننقل لأصحاب الكلب شو قال لنا الحكيم لان نحنا عندنا كلاب وبنفهم كثير مليح عا الحكيم شو بيقول لنا. قاطع معنا كثير قصص، كلنا من نحن صغار عندنا كلاب".

وتابع أن مشروعه يراعي معايير السلامة في نقل الحيوانات الأليفة كما يتم تنظيف السيارة بعناية بعد كل رحلة.

وتبلغ تكلفة رحلة نقل الحيوان الأليف عشرة دولارات لمسافة طولها عشرة كيلومترات فأقل. وما يزيد على عشرة كيلومترات يتم دفع دولار واحد على كل كيلومتر زيادة.

ومن بين زبائن خدمة بت تاكسي معلمة لبنانية تدعى أوديل جدعون.

وقالت أوديل "بت تاكسي مهم جداً. دايماً بيكون عم أعّلم عم أدّرس. وبدي آخد الكلاب عند الحكيم، بدي اضطر بساعة الراحة أوصل بسرعة وأرجع. بعدين عرفت انه فيه بت تاكسي دكتور شادي قال لي عنه. انبسطت كتير. صرنا بس نكون مقطوعين، بنتلفن، بيخلص كل شي".

وأضافت "بنتلفن لبت تاكسي، بنقلهن العنوان ومين واسم الكلب وبنعطيه الدفتر، لأن بيكون بده يعملهن طعم أو علاج أو شي الحكيم. بييجوا بياخدوه وكتير بينبهوا عليهن. بيعطوهن علاج وبينتبهوا لهن وبيقعدوا حدهن وفيه قفص للكلاب اللي هيك، وفيه بلا قفص للكلاب اللي ما بتحب القفص".

وتُقدم خدمة بت تاكسي حاليا في بيروت وجبل لبنان وشمال لبنان.